ന്യൂഡൽഹി: ഇന്ത്യൻ ഫുട്ബോൾ പ്രേമികളെ ആശങ്കയിലാഴ്ത്തിക്കൊണ്ട്, കേരള ബ്ലാസ്റ്റേഴ്സ്, മോഹൻ ബഗാൻ സൂപ്പർ ജയന്റ്സ് ഉൾപ്പെടെയുള്ള ഏഴ് പ്രമുഖ ടീമുകളുടെ 2026-27 സീസണിലേക്കുള്ള 'പ്രീമിയർ ഒന്ന്' ക്ലബ് ലൈസൻസ് അപേക്ഷകൾ ഓൾ ഇന്ത്യ ഫുട്ബോൾ ഫെഡറേഷൻ നിരസിച്ചു. ഫെഡറേഷന്റെ ക്ലബ് ലൈസൻസിംഗ് കമ്മിറ്റി നടത്തിയ ആദ്യഘട്ട പരിശോധനയ്ക്ക് ശേഷമാണ് നിലവിൽ ഈ പട്ടിക പുറത്തുവിട്ടിരിക്കുന്നത്.
ദേശീയ ഫുട്ബോൾ ടൂർണമെന്റുകളിലും ഏഷ്യൻ ഫുട്ബോൾ കോൺഫെഡറേഷൻ ടൂർണമെന്റുകളിലും പങ്കെടുക്കാൻ ഈ ലൈസൻസ് നിർബന്ധമാണ്. ആവശ്യമായ സാമ്പത്തിക, നിയമ, ഇൻഫ്രാസ്ട്രക്ചർ മാനദണ്ഡങ്ങൾ പൂർണമായി പാലിക്കാൻ കഴിയാത്തതാണ് ചില ക്ലബുകൾക്ക് തിരിച്ചടിയായത്.
കേരള ബ്ലാസ്റ്റേഴ്സ് എഫ്.സി, മോഹൻ ബഗാൻ സൂപ്പർ ജയന്റ്സ്, ഒഡീഷ എഫ്.സി, ചെന്നൈയിൻ എഫ്.സി, മുഹമ്മദൻസ് സ്പോർട്ടിംഗ് ക്ലബ്, ഇന്റർ കാശി, സ്പോർട്ടിംഗ് ക്ലബ് ഡൽഹി എന്നീ ക്ലബ്ലുകളുടെ ലൈസൻസ് അപേക്ഷയാണ് നിരസിക്കപ്പെട്ടത്. നോർത്ത് ഈസ്റ്റ് യുണൈറ്റഡ് എഫ്.സി, ഈസ്റ്റ് ബംഗാൾ എഫ്.സി, മുംബൈ സിറ്റി എഫ്.സി, ബെംഗളൂരു എഫ്.സി, എഫ്.സി ഗോവ, ജംഷെഡ്പൂർ എഫ്.സി, പഞ്ചാബ് എഫ്.സി. എന്നീ ക്ലബ്ബുകൾക്ക് ലൈസൻസ് അനുവദിച്ചിട്ടുണ്ട്.
Deepika
E-paper LOGIN
LOGIN